На «дзяжурны тэлефон» «Слуцкага краю» звярнуліся случчане: у магазінах прамысловага раёна і нават у фірменным магазіне Слуцкага сыраробнага камбіната доўгі час адсутнічае сыроватка. Жыхары горада прасілі растлумачыць прычыну.
З ААТ «Слуцкі сыраробны камбінат» атрымалі адказ: «Аддзел збыту ААТ «Слуцкі сыраробны камбінат» выконвае штодзень заяўкі на сыроватку намінальным аб’ёмам 1 літр, якія паступаюць ад гандлёвых аб’ектаў Слуцка.
Гандлёвыя аб’екты, якія робяць заяўкі на сыроватку на пастаяннай аснове: «Еўраапт» №388, вул. М. Багдановіча, 42; «Санта» №184, вул. 14 Партызан 15-1; фірменны магазін №1, Базарная плошча; фірменны магазін №19, вул. Леніна; фірменны магазін №110, вул. Тутарынава, 14; фірменны магазін №22, вул. Сацыялістычная 144а; фірменны магазін №23, вул. Чэхава; «СанТайм», вул. Леніна, 177.
Заяўкі ў гэтыя гандлёвыя аб’екты выконваюцца практычна ў поўным аб’еме.
Сыроватка малочная тварожная пастэрызаваная намінальным аб’ёмам 1 літр вырабляецца ў Салігорскім філіяле ААТ «Слуцкі сыраробны камбінат» у адпаведнасці з заяўкамі аддзела збыту.
Паводле інфармацыі ГУП «Гандлёвая кампанія «Камплімілк Трэйд» (фірменныя магазіны), сыроватка малочная пастэрызаваная намінальным аб’ёмам 1 літр рэгулярна паступае ў гандлёвыя аб’екты. Так, у кастрычніку 2024 года ў гандлёвых аб’ектах прадпрыемства было рэалізавана 480 літраў сыроваткі, у лістападзе – 510. Прадукцыя паступае ў гандлёвыя аб’екты ў адпаведнасці з попытам.
Такім чынам, нельга сказаць, што сыроватка адсутнічае ў гандлёвых аб’ектах доўгі час. Пры адсутнасці ў якім-небудзь магазіне дадзенага прадукта звяртайцеся да супрацоўнікаў гандлёвага аб’екта, каб яны своечасова рабілі заяўкі».
Наталля ГРАМЫКА.
