Раённыя спаборніцтвы па баскетболе ў рамках круглагадовай спартакіяды сярод прадпрыемстваў, арганізацый і ўстаноў Случчыны праходзілі 15 – 17 снежня на базе Слуцкага дзяржаўнага сельскагаспадарчага прафесійнага ліцэя. Удзел прымалі 10 каманд.
Пераможцам стала каманда цукроварафінаднага камбіната, другое месца занялі баскетбалісты каманды «Педагог» аддзела адукацыі, спорту і турызму райвыканкама, на трэцім – прадстаўнікі камбіната хлебапрадуктаў. Каманда-пераможца ўзнагароджана кубкам і памятнымі прызамі ад аддзела ідэалагічнай работы, культуры і па справах моладзі райвыканкама.
