Дарагія ветэраны Вялікай Айчыннай вайны і працы! Паважаныя жыхары і госці Слуцкага раёна!
Ад імя Слуцкага раённага выканаўчага камітэта, Слуцкага раённага Савета дэпутатаў віншуем вас з Днём Незалежнасці Рэспублікі Беларусь (Днём Рэспублікі) і 79-годдзем вызвалення Беларусі ад нямецка-фашысцкіх захопнікаў.
Гэты дзень сатканы са светлых, узвышаных пачуццяў, прасякнуты духам свабоды і перамогі. Высокае чыстае неба, усмешкі дзяцей, квецень садоў – гэта ўсё мір і спакой, якія пануюць у роднай Беларусі.
Адзначаючы гэта свята, мы аддаём даніну глыбокай удзячнасці ветэранам, якія падарылі нам мірнае і шчаслівае жыццё, захоўваем павагу да тых пакаленняў беларусаў, якія легендарнай адвагай будавалі незалежнасць нашай краіны. Найвялікшы подзвіг абаронцаў Радзімы ў Вялікай Айчыннай вайне назаўсёды застанецца ў нашай памяці, як прыклад вернасці абавязку і адданасці роднай зямлі.
Жадаем усім моцнага здароўя, шчасця, міру, згоды і дабрабыту! Няхай кожны дзень вашага жыцця будзе напоўнены поспехамі і новымі дасягненнямі!
Старшыня Слуцкага раённага
выканаўчага камітэта У.Л. ГОГА.
Старшыня Слуцкага раённага
Савета дэпутатаў Н.А. АЎСЯННІКАВА.
* * *
Паважаныя ветэраны Вялікай Айчыннай вайны і працы, жыхары і госці Слуцкага раёна!
Прыміце святочныя віншаванні з Днём Незалежнасці Рэспублікі Беларусь (Днём Рэспублікі)!
Мы ганарымся сваёй краінай, беражліва ставімся да нацыянальных каштоўнасцей, гістарычнай праўды, цэнім мір і ўпэўнена глядзім у будучыню. Гэта права мы атрымалі ў спадчыну ад нашых продкаў, якія цаной мільёнаў жыццяў здабылі Вялікую Перамогу, адстаялі свабоду і незалежнасць. Нізкі паклон вам, шаноўныя ветэраны! Наша памяць будзе ўдзячнай і вечнай.
Дата 3 ліпеня непарыўна звязана з вызваленнем Беларусі ад нямецка-фашысцкіх захопнікаў, услаўляе велічнасць подзвігаў герояў, якія змагаліся на палях баёў і аднаўлялі народную гаспадарку. Лепшыя традыцыі працягваюць нашчадкі пераможцаў, сапраўдныя патрыёты, якія сваёй працай і талентамі ўносяць важкі ўклад у развіццё роднай зямлі. Дасягненні ў навуцы, культуры, ахове здароўя, эканоміцы, адукацыі, спорце і іншых сферах дзейнасці – яскравае пацвярджэнне імкнення беларусаў да мірнай стваральнай працы, еднасці і росквіту краіны.
Дарагія случчане! Напярэдадні сапраўды ўсенароднага свята шчыра жадаю вам і вашым блізкім моцнага здароўя, дабрабыту, шчасця, радасных падзей, далейшых поспехаў ва ўсіх добрых справах.
Дэпутат Палаты прадстаўнікоў
Нацыянальнага сходу Рэспублікі Беларусь В.В. РАЖАНЕЦ.
