Дарагія жыхары горада і раёна!
Езус Хрыстус ведае сэрца кожнага з нас. Ён ведае ўсе нашыя перажыванні, клопаты, цяжкасці, радасці і смутак… І так, як Езус прыйшоў да сваіх вучняў, таксама сёння Ён прыходзіць да цябе і мяне і кажа: «Спакой Вам!» (пар. Лк 24, 36). Жадаем, каб Божы супакой напаўняў Вашыя сэрцы, Вашыя сем’і, кожны дом нашага горада і раёна.
Няхай Уваскрослы Хрыстос адорыць Вас сілай у пераадольванні цяжкасцей, дапамагае з даверам глядзець у будучыню і напаўняе Вашае сэрца сапраўднай радасцю і супакоем, якога не можа даць свет! Божага благаслаўлення і радасных святаў Пасхі!
З найлепшымі пажаданнямі парафіяне,
а. Аляксей Рамановіч і а. Стэфан Пупейка.
