У рамках месячніка па навядзенні парадку на зямлі, раённага суботніка і падрыхтоўкі да 75-годдзя вызвалення Беларусі ад нямецка-фашысцкіх захопнікаў у сельсаветах Слуцкага раёна працягваюцца работы па ўборцы тэрыторый, уладкаванню брацкіх магіл, помнікаў і абеліскаў загінулых у час Вялікай Айчыннай вайны. У гэтых работах прымаюць удзел работнікі сельвыканкамаў, школьнікі, работнікі сельгасарганізацый, мясцовыя жыхары. Напрыклад, у Ісернскім сельсавеце прыводзілі ў парадак помнікі ў аграгарадку Ісерна і іншых населеных пунктах, у Казловіцкім сельсавеце – у аграгарадку Казловічы, вёсках Ячава, Бліжнія Бандары, Дальнія Бандары, Заграддзе.
