Вандроўка па родных мясцінах…
Як сэрца шукае пяшчоты
На мілых шляхах-пуцявінах…
Далёка зямныя турботы.
Душа мая вольнага ветру
Ўдыхнула на поўныя грудзі…
Балоты, лясы, кіламетры,
Гасцінныя шчырыя людзі.
Бярозак і соснаў шаптанне
Радзімую песню мілуе,
Нібы ў дзяцінства вяртанне…
Святло Беларусі чаруе…
Усё гэта поўніць адвагай,
Палоніць зямля прыгажосцю…
Мой край, чысціні тваёй прагну,
Дачка я твая, а не госця.
