Актыўнымі тэмпамі вядуць работы па ўборцы кукурузы на сілас і зерне ў Слуцкім раёне. «Царыца палёў» ужо ўбрана на 14 011 гектарах. Сёлета яна займае 17 301 гектар, з якіх 3 862 гектары абмалоцяць на зерне.
Выступаючы на ўрачыстасці, старшыня Мінскага абласнога выканаўчага камітэта Анатолій Міхайлавіч Ісачанка ў ліку іншых рэгіёнаў Мінскай вобласці адзначыў выніковую работу падчас сёлетняй уборачнай кампаніі Слуцкага раёна.
Хлебаробы Случчыны паспяхова справіліся з уборкай збожжавых і зернебабовых культур, падчас жніва не падвяла руплівых механізатараў і вадзіцеляў тэхніка.