СФК «Слуцк» у Турцыі
01.03.2018
Адбыліся першыя з чатырох запланаваных таварыскіх матчаў.
24 лютага «Слуцк» сустракаўся з камандай расійскай прэм’ер-лігі махачкалінскім «Анжы», які трэніруе беларускі спецыяліст Вадзім Скрыпчанка. Дружына Віталія Паўлава была мацнейшай – 3:1. Галы забілі Аляксандр Яцкевіч, Віталій Кібук, Мурат Хотаў.
Фота ФК "Анжы".
27 лютага наша каманда сустрэлася з дацкім клубам «Мідельфарт». У гэтай гульні футбалісты «Слуцка» прайгралі з лікам 1:2. Вароты саперніка «ўзяў» зноў Мурат Хотаў. У матчы паўдзельнічалі тры гульцы на праглядзе.
ДУБЛЬ "Слуцка"
Чарговая таварыская гульня дублёраў «Слуцка» завяршылася нічыёй 1:1. Сапернікам слуцкай каманды быў сталічны «Энерга-збыт-БДАТУ», які вы-ступае ў другой лізе. Голам адзначыўся Павел Палоска з падачы Уладзісава Чабатара. Так трымаць!
Першыя гульні чэмпіянату
Адбылася жараб’ёўка чэмпіянату Беларусі па футболе сярод каманд вышэйшай лігі, па выніках складзены папярэдні каляндар гульняў на 2018 год.
СФК «Слуцк» у першым туры (31 сакавіка – 1 красавіка) у гасцях сустрэнецца з «Гомелем». Першы дамашні матч, з гродзенскім «Нёманам», пройдзе 6 – 7 красавіка.
Пачнём сезон разам! За Слуцк і «Слуцк»!
Ірына ВЕЧАР.
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.