СФК "Слуцк" пасля 29 тура чэмпіянату па футболе сярод каманд вышэйшай лігі застаецца на 8 месцы
27.11.2018
У матчы 29 тура Беларусбанк – чэмпіянату па футболе сярод каманд вышэйшай лігі "Слуцк" мінімальна саступіў "Іслачы". Гэта была дамашняя гульня, але прайшла яна ў Бабруйску і завяршылася з лікам 0:1. Гол прапусцілі на 73-й хвіліне. Гэта восьмы пройгрыш "Слуцка".
Перад пачаткам матча клуб аматараў футбола "50+" адзначыў кубкам лепшага, на іх думку, гульца "Слуцка" ў сезоне 2018 года – абаронца Віталія Трубілу.
Уладальнікам абанементаў раяць захоўваць іх да наступнага сезона. Як паведамілі ва ўпраўленні па адукацыі, спорце і турызме Слуцкага райвыканкама, разглядаецца пытанне аб кампенсацыі за дамашнія матчы, якія прайшлі ў Бабруйску.
К списку записей раздела