Новости Слуцка и Слуцкого района

Адкрыты чэмпіянат Рэспублікі Беларусь па галболе сярод інвалідаў па зроку прайшоў у Слуцку

01.12.2017
Адкрыты чэмпіянат Рэспублікі Беларусь па галболе сярод інвалідаў па зроку прайшоў у Слуцку ў спорткомплексе «Дэльфін» 24 – 26 лістапада.


Удзел у спаборніцтвах прынялі мужчынскія і жаночыя каманды з Мінска, Віцебска, Слуцка, Маладзечна, былі таксама госці з Малдовы.

Правілы вельмі простыя: па тры гульцы размяшчаюцца ў варотах насупраць. Задача каманды – закінуць мяч у вароты саперніка. Вочы ў гульцоў завязаныя. У галболе выкарыстоўваюць спецыяльны мяч са званочкамі.

На ўрачыстым адкрыцці  ўдзельнікаў спаборніцтваў вітаў дырэктар унітарнага прадпрыемства «Ямпаль-Слуцк» ГА «БелТІЗ» Дзмітрый Мікалаевіч Антоненка. Ён адзначыў, што кожны з удзельнікаў ужо пераможца, таму што людзі з абмежаванымі магчымасцямі знайшлі сябе ў спорце, вядуць актыўны лад жыцця, пажадаў справядлівай барацьбы, добрых эмоцый і поспеху. 

На працягу трох дзён каманды высвятлялі, хто ж мацнейшы. І сярод мужчын, і сярод жанчын лепшымі былі госці з Малдовы. Жаночая каманда «Ямпаль-Слуцк» заняла другое месца, мужчынская – на трэцім. Рыхтавалі слуцкіх спартсменаў Ірына Аляксандраўна Фядотава, наша знакамітая паралімпійская чэмпіёнка, і Людміла Уладзіміраўна Гундзіловіч. 

Ірына ШЧАРБОВІЧ.
К списку записей раздела
Имя *
Заполните поле!!!
Текст комментария *
Заполните поле!!!
Введите код с картинки *
Заполните поле!!!
* - поля, обязательные для заполнения