Спаборнічалі вайскоўцы
13.04.2018
5 і 6 красавіка на базе 30-й асобнай чыгуначнай брыгады прайшлі спаборніцтвы па ваенна-прыкладным мнагаборстве, у якіх прынялі ўдзел ваеннаслужачыя воінскіх часцей цэнтральнага падпарадкавання.
– Правядзенне спартакіяды прапагандуе здаровы лад жыцця, адзначыў камандзір брыгады палкоўнік Аляксандр Уладзіміравіч Неўмяржыцкі, – спаборніцтвы загартоўваюць характар, падымаюць дух, умацоўваюць валявыя якасці, спрыяюць згуртаванню калектываў. Здаровы, дужы, фізічна падрыхтаваны салдат і афіцэр – надзейны абаронца Айчыны.
Вайскоўцы спаборнічалі ў бегу на 100 метраў, на 1 і 3 км, падцягванні, пераадоленні паласы перашкод, кіданні гранаты.
Самых моцных, спрытных, вынослівых выяўлялі сярод 18 каманд (па 6 удзельнікаў). Начальнік мабілізацыйнага аддзялення 30-й асобнай чыгуначнай брыгады маёр Алег Міхайлавіч Вазюк удзельнічае ў спаборніцтвах ужо трэці раз. У мінулым годзе ён заняў чацвёртае месца ў асабістым заліку.
– Спадзяюся, у гэтым годзе павысіць свой вынік. Сапернікі сабраліся вельмі моцныя. І вядома ж, мы будем імкнуцца да перамогі.
Вынікі спаборніцтваў:
1 месца – 127-я брыгада сувязі, г. Баранавічы;
2 месца – 361-я база аховы і абслугоўвання, г. Мінск;
3 месца – 153-я асобная радыётэхнічная брыгада, г. Валожын.
Каманда-пераможца атрымала кубак, лепшыя ў асабістым заліку – медалі.
Ірына МАЛЯЎКА.
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.