Мікалай Іванавіч Шуманскі ў сельскай гаспадарцы з 18 гадоў
25.04.2019
Цяпер на гадаванні жывёлавода малочнатаварнай фермы «Прошчыцы» філіяла «Падсобная сельская гаспадарка «Наша Ніва» ААТ «Слуцкі мясакамбінат» 160 бычкоў. Пад яго доглядам жывёла прыбывае за суткі ў сярэднім амаль на кілаграм, па выніках 2018 года гэты паказчык склаў +900 грамаў. Набіраюць бычкі вагу з 200 кг да 400 – 420 кг.
Добрыя кармы і правільны догляд – ад гэтага залежыць, як будзе расці жывёла, сцвярджае Мікалай Іванавіч. Яму гэта ўдаецца. Працавіты, дасведчаны, вопытны жывёлавод, адзначае загадчыца фермы Людміла Віктараўна Палазнік, сваю справу ведае. Ды і не дзіўна гэта для чалавека, які ўсё жыццё працуе на роднай зямлі. Сёлета фотаздымак і прозвішча жывёлавода будуць размешчаны на раённай Дошцы гонару. Дарэчы, жонка Мікалая Іванавіча таксама працуе на ферме, гадуе цялятак.
Паспяваюць Шуманскія ўпраўляцца і з хатняй гаспадаркай. Радуюць сынок і дачушка. Адным словам, ладзіцца ў сям’і – і на рабоце парадак.
Ірына ШЧАРБОВІЧ.
К списку записей раздела
© Слуцкий край, 2017 – 2024
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.