Як iдуць палявыя работы на Случчыне
16.05.2024
Травы пры плане 6 321 гектар працаўнікі вёскі пасеялі на 3 215 гектарах, у тым ліку 1 706 гектараў люцэрны.
Пры плане 27 460 гектараў кукурузу пасеялі на 20 784 гектарах (76%). Засеяны плошчы, якія былі адзведзены пад вырошчванне культуры на зерне. Працягваецца сяўба царыцы палёў на зялёны корм і сілас.
Найбольш хуткімі тэмпамі работы ідуць у ААТ «Казловічы-Агра» і «Падлессе-2003», саўгасе «Рачкавічы». Найбольшыя плошчы кукурузай плануюць заняць у сельскагаспадарчым філіяле Слуцкага сыраробнага камбіната – 2 900 гектараў. Пасеяна 88% ад запланаванага.
Аднагадовыя пасеялі на 3 368 гектарах або на 85% адведзеных плошчаў.
Бульбу ў гэтым годзе пасадзілі ў трох сельгасарганізацыях раёна – усяго 60 гектараў. Агародніну – моркву, цыбулю, сталовыя буракі і капусту – па тры гектары пасеялі ў філіяле ПСГ «Наша Ніва» ААТ «Слуцкі мясакамбінат».
Завяршылі сяўбу цукровых буракоў, пад якія занялі 4 810 гектараў. Гэту культуру будуць вырошчваць у 8 сельгасарганізацыях раёна, найбольшыя плошчы пад салодкія караняплоды адвялі ў СУП «Аграсэрвіс-ССК» ААТ «Слуцкі цукроварафінадны камбінат» – 2 089 гектараў.
Прыступілі ў раёне да сяўбы грэчкі. Яе плануюць вырошчваць у сямі сельгасарганізацыях раёна на плошчы 510 гектараў.
Працуюць аграрыі раёна і на вывазцы, унясенні арганічных угнаенняў пад яравую сяўбу. Толькі за мінулы дзень на гэтым відзе работ было задзейнічана 25 трактароў, 12 з якіх энерганасычаныя.
Сярод іншых работ – хімпраполка азімых збожжавых, другая апрацоўка азімага рапсу на зерне ад шкоднікаў.
Першым укосам скошаны травы на 3 397 гектарах (17%), убраны – на 2 299 гектарах. Нарыхтавана 13 660 тон сенажу з кансервантамі і 2 329 тон сіласу. У разліку на ўмоўную галаву жывёлы гэта складае 0,67 цэнтнера кармавых адзінак.
Найбольш кармоў пакуль нарыхтавалі ў ААТ «Слуцкая ніва» – 3,05 ц.к. адз.
© Слуцкий край, 2017 – 2024
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.