Новости Слуцка и Слуцкого района
Главная / Экономика / Промышленность

У ААТ «Слуцкі цукроварафінадны камбінат» пачалі нарыхтоўку цукровых буракоў

14.09.2017
 
Ужо хутка, калі на Слуцкім цукроварафінадным камбінаце будзе створаны дастатковы запас сыравіны для бесперабойнай работы па вытворчасці цукру, тут пачнуць перапрацоўку буракоў новага ўраджаю. Кантралёры сыравіны харчовай прадукцыі прадпрыемства Наталля Міхайлаўна Акімава (на здымку) і Любоў Міхайлаўна Федасюк аглядаюць буракі ў прычэпах машын, ацэньваюць іх прыдатнасць па знешніх паказчыках.
Наталля Міхайлаўна Акімава


























Сёлета на камбінаце плануюць нарыхтаваць 1 млн 200 тыс. тон цукровых буракоў, перапрацоўваць – больш за 10 тысяч тон за суткі. Прымаюць сыравіну з гаспадарак Мінскай, Гродзенскай і Магілёўскай абласцей.

– Нарыхтоўчы сезон сёлета мы пачалі крыху пазней у тым ліку ў сувязі з вялікім аб’ёмам работ па рэканструкцыі на камбінаце: створаны цэлы вытворчы корпус па ачыстцы буракоў, – расказаў старшыня наглядальнага савета Слуцкага цукроварафінаднага камбіната Осіп Іосіфавіч Дапіра. – Графікі нарыхтоўкі сыравіны распрацаваны такім чынам, каб перапрацаваць яе ў аптымальныя тэрміны.

У гэтым годзе  крыху зменім схему вытворчасці: частку сіропу пасля выпарной станцыі будзем выводзіць на захоўванне, прыкладна праз месяц увядзём ёмістасць (на 35 тысяч тон) для гэтага. Такім чынам і пасля таго, як частку гатовай прадукцыі мы рэалізуем, зможам зноў, прыкладна з красавіка, вырабляць цукар, не патрэбны дадатковыя плошчы для захоўвання цукру і фабрыка фасоўкі будзе працаваць пастаянна.

Надвор’е сёлета паўплывала на цукрыстасць буракоў. Але  будзем навёрстваць аб’ёмам перапрацоўкі і, думаю, захаваем вытворчасць цукра на ўзроўні мінулага года. 

Ірына ВЕЧАР.
К списку записей раздела
Имя *
Заполните поле!!!
Текст комментария *
Заполните поле!!!
Введите код с картинки *
Заполните поле!!!
* - поля, обязательные для заполнения