Тэлефанавалі старшыні райвыканкама
30.05.2020
Звярнуліся жыхары вёскі Покрашава: па вуліцы Губіна мянялі апоры асвятлення, цяпер з васьмі свяцільняў гараць толькі чатыры. Як патлумачылі ў электрасетках, у населеным пункце вядзецца рэканструкцыя лініі электраперадачы, таму ўсе свяцільні не гараць. Плануецца, што работы будуць завершаны ў канцы чэрвеня.
Жыхарка горада будуе кватэру ў адной са шматпавярховак горада на першым паверсе і прасіла, каб ёй дазволілі абсталяваць падвал у гэтым жа пад’ездзе.
Жыхарка аграгарадка Вясея не задаволена якасцю вады, свідравіна на балансе адкрытага акцыянернага таварыства «Слуцкі Аграсэрвіс». Ды вокны ў пад’ездзе патрабуюць замены, на думку жанчыны.
Скардзіліся на стан дарожнага пакрыцця вуліцы Калгаснай у вёсцы Малая Сліва.
Шэраг пытанняў паступіў з аграгарадка Грэск: з 1 чэрвеня закрываюць аддзяленне банка, скарочаны рэжым работы паштовага аддзялення, зменены графік руху аўтобусаў. Сапраўды, пытанні актуальныя. Калі з 5 чэрвеня магчыма будзе зняць грошы з банкаўскай карткі ў магазіне, то аплаціць камунальныя паслугі можна толькі ў аддзяленні паштовай сувязі ці з дапамогай інтэрнэта. А не ўсе людзі, асабліва сталага ўзросту, могуць гэта зрабіць. Змены ў графіку руху аўтобусаў унесены па ўсіх маршрутах прыгарадных і гарадскіх аўтобусаў. Гэта часовая мера.
Падчас «прамых ліній» скардзяцца старшыні райвыканкама і на суседзяў. Так званыя суседскія войны іншы раз не спыняюцца гадамі. У кожнага свая праўда, часцей нават не спрабуюць знайсці кампраміс. Асабліва ў зямельных пытаннях. Людзі скардзяцца на суседзяў ва ўсе інстанцыі, судзяцца. Неабходна разам знаходзіць выйсце.
Звярталіся да Андрэя Уладзіслававіча і па іншых пытаннях. Раённым службам дадзены даручэнні па вырашэнні зваротаў.
Ірына КАВАЛЕНКА.
К списку записей раздела
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.