Сям'я Пракаповіч з вёскі Заполле перамагла ў абласным этапе рэспубліканскага сямейнага сельскагаспадарчага праекта «Уладар сяла»
02.07.2020
Сям'я Пракаповіч з вёскі Заполле перамагла ў абласным этапе рэспубліканскага сямейнага сельскагаспадарчага праекта «Уладар сяла», які ў гэтым годзе праходзіць у анлайн-фармаце.
У конкурсным відэароліку Пракаповічы прадставілі свой падворак, паказалі кулінарныя і творчыя здольнасці членаў сям'і, таксама журы ацаніла эсэ «Мая сям'я самая лепшая».
Аляксандр і Наталля Пракаповічы працуюць у філіяле «Падсобная сельская гаспадарка «Наша Ніва» ААТ «Слуцкі мясакамбінат», трактарыстам-машыністам і заатэхнікам адпаведна, яны выхоўваюць двух сыночкаў: сямігадовага Арцёма і пяцігадовага Макара.
– Мы з мужам выраслі ў шматдзетных сем'ях, таму лічым, што ў доме павінна быць многа дзяцей. У нас пакуль двое. Я мару аб вялікай сям'і. З дзяцінства мы вучым нашых сыноў любіць сваю Радзіму, таму што тут пачынаецца іх жыццё, – расказвае Наталля Пракаповіч.
Віншуем сям'ю і жадаем далейшых поспехаў і ажыццяўлення планаў.
Маргарыта МАЛАШКА.
К списку записей раздела
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.