Новости Слуцка и Слуцкого района
Главная / Общество / Образование

Новая вяршыня ўзята!

03.03.2018
У XXII рэспубліканскім конкурсе работ даследчыцкага характару навучэнцаў устаноў агульнай сярэдняй адукацыі случчане Ян Шляхаў і Артур Царыковіч атрымалі дыплом I ступені.

Вучні СШ №11 Ян і Артур займаюцца пад кіраўніцтвам настаўніка інфарматыкі Уладзіміра Анатольевіча Жука. На суд кампетэнтнага журы яны прадставілі праект «TheBestConsultant. Покупки с нами приятнее!», з якім ужо паспяхова выступілі на Балтыйскім навукова-інжынерным конкурсе. 

Таксама ў рэспубліканскім конкурсе работ даследчыцкага характару прынялі ўдзел навучэнцы гімназіі №1 пад кіраўніцтвам Таццяны Яўгенаўны Максіменкі: Валерыя Махлай адзначана дыпломам ІІІ ступені ў секцыі «Фізіка», Дзмітрый Макарыч атрымаў пахвальны водзыў у секцыі «Астраномія». 

З 2 па 4 сакавіка ў ліцэі  Белдзяржуніверсітэта праходзіў навукова-інжынерны конкурс навучэнцаў «Belarus Science and Engineering Fair 2018». 

І тут нашы юныя навукоўцы былі, што называецца, на вышыні. Ян Шляхаў і Артур Царыковіч атрымалі дыплом I ступені ў секцыі «Інфарматыка». 

Валерыя Махлай з праектам «Мадэль кацера Elco 80 PT 109» (кіраўнікі настаўнік фізікі Таццяна Яўгенаўна Максіменка, педагог дадатковай адукацыі Слуцкага ЦТПТНМ Віктар Васільевіч Патоцкі) атрымала дыплом ІІ ступені ў секцыі «Праектаванне і робататэхніка». Гэту радыёкіруемую мадэль Валерыя ўдасканальвала для ўдзелу ў спаборніцтвах па суднамадэльным спорце. 

229 даследчых работ было прадстаўлена на «Belarus Science and Engineering Fair 2018», у фінале абаранялі 65 праектаў. У складзе журы – дактары і кандыдаты навук, супрацоўнікі ўніверсітэтаў і Нацыянальнай акадэміі навук, таксама работы ацэньвалі маладзёжнае і бізнэс-журы.

Ян Шляхаў прыме ўдзел у міжнароднай канферэнцыі ў Сербіі.

Вольга КАВАЛЕНКА,
 вучаніца гімназіі №2.
К списку записей раздела
Имя *
Заполните поле!!!
Текст комментария *
Заполните поле!!!
Введите код с картинки *
Заполните поле!!!
* - поля, обязательные для заполнения