На вуліцы Трайчанскай заклалі алею “Народнае адзінства”
03.04.2021
У рамках дня азелянення “Разам за зялёную Беларусь”, які праводзіцца Міністэрствам прыродных рэсурсаў і аховы навакольнага асяроддзя Рэспублікі Беларусь 3 красавіка, на вуліцы Трайчанскай у Слуцку заклалі алею “Народнае адзінства”. У акцыі прынялі ўдзел супрацоўнікі Мінскага абласнога камітэта прыродных рэсурсаў і аховы навакольнага асяроддзя, Слуцкай раённай інспекцыі прыродных рэсурсаў і аховы навакольнага асяроддзя, метэастанцыі “Слуцк”, СУП “Аграсэрвіс-ССК” цукроварафінаднага камбіната, Слуцкага дзяржаўнага медкаледжа, ЖКГ, члены раённай арганізацыі ГА “Белая Русь”, грамадскія актывісты прыродаахоўнай сферы. Удзельнікі на набярэжнай Случы пасадзілі 135 дрэўцаў.
Акцыя па азеляненні праводзіцца ў рамках мерапрыемстваў, прысвечаных Году народнага адзінства.
Начальнік аддзела прававой, кадравай і арганізацыйнай работы Мінскага абласнога камітэта прыродных рэсурсаў і аховы навакольнага асяроддзя Ігар Міхайлавіч Угрын падкрэсліў, што супрацоўнікі камітэта з вялікім жаданнем удзельнічалі ў акцыі па азеляненні ў Слуцку – адным з самых старажытных гарадоў Мінскай вобласці. На новай алеі высадзілі бярозы пушыстыя, вярбу ніцую і клёны белыя. Як падкрэсліў начальнік Слуцкай раённай інспекцыі прыродных рэсурсаў і аховы навакольнага асяроддзя Сяргей Аляксандравіч Цыбулька, дрэвы гэтых парод добра прыжываюцца, хутка растуць, так што алея праз некалькі гадоў можа парадаваць ужо багатай зелянінай, жыхарам мікрараёна, случчанам трэба толькі берагчы і шанаваць дрэўцы.
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.