Творчая сустрэча «Служаць слову і Радзіме» прайшла ў Слуцкай бібліятэцы
09.03.2023
Сустрэча праходзіла ў рамках акцыі «Культурная сталіца Беларусі». Як адзначыла вядучая Валянціна Цэгалка (загадчыца аддзела абслугоўвання і інфармацыі), назва сустрэчы «Служаць слову і Радзіме» выбрана не выпадкова – бо гэта мэта творчасці Леаніда Крываноса і Рагнеда Малахоўскага, іншых пісьменнікаў Беларусі, якія сваёй літаратурнай дзейнасцю праслаўляюць нашу Радзіму.
Мінулы год для Леаніда Крываноса быў насычаны рознымі падзеямі і мерапрыемствамі. Ён быў выбраны старшынёй Мінскага абласнога аддзялення Саюза пісьменнікаў Беларусі.
Леанід Міхайлавіч аўтар зборнікаў «К истокам» і «Дело чести», аповесцей «Закон всемирного тяготения», «Системный сбой», «Прощеное воскресение», «Случайное дело» і іншых.
У сваіх творах ён расказвае аб навакольным свеце, яго прыгажосці, пра лёсы людзей, пра гісторыю краіны, сведкам якой быў і ён сам.
Асаблівае месца ў яго творчасці займаюць вершы і песні ваеннай тэматыкі, прысвечаныя службе ў арміі, ветэранам Вялікай Айчыннай вайны.
Твор, які Леанід Крыванос прысвяціў пагранічнікам дзяржаў – удзельніц СНД, стаў лаўрэатам Міжнароднага конкурсу на лепшы музычна-літаратурны твор, Мінскай абласной літаратурнай прэміі ў намінацыі «Проза».
Леанід Міхайлавіч – ветэран вайны ў Афганістане, палкоўнік у адстаўцы, актыўна друкуецца ў «Беларускай думцы» і расійскім перыядычным друку.
Леанід Крыванос паэт-песеннік, дыпламант Саюза пісьменнікаў Беларусі па выніках рэспубліканскага літаратурнага конкурсу «Лепшы твор 2008 года» ў галіне песеннага жанра. Песні Леаніда Крываноса ўвайшлі ў рэпертуар пагранічнага ансамбля ФСБ Расіі, узорна-паказальнага аркестра пагранічнай службы Рэспублікі Беларусь. Песні Леаніда Міхайлавіча ў рэпертуары творчых калектываў краіны. Яны гучалі і для ўдзельнікаў сустрэчы.
Рагнед Малахоўскі – паэт, журналіст, член Беларускага саюза журналістаў, Саюза пісьменнікаў Беларусі, перакладчык, фотамастак. Дарэчы, на сустрэчы ў Слуцкай бібліятэцы ён не ўпершыню.
Рагнед Малахоўскі друкуецца ў часопісах «Полымя», «Маладосць», «Дзеяслоў», «Белая Вежа», газеце «Літаратура і мастацтва». Аўтар кніг паэзіі «Беражніца», «У дзённай мітусні», «Жыві», «Кахання радок» і іншых.
Рагнед Малахоўскі займаецца мастацкім перакладам на беларускую мову з моў іншых народаў, фотамастацтвам і фотажурналістыкай, складае электронную музыку. За плённую працу паэт адзначаны дыпломам Саюза пісьменнікаў Беларусі «За вялікі ўклад у развіццё культуры і літаратуры Беларусі», а таксама дыпломаміі розных конкурсаў.
Леанід Крыванос і Рагнед Малахоўскі чыталі свае вершы, расказвалі гісторыі з жыцця, адказвалі на пытанні прысутных. Сустрэча прайшла ў цёплай і душэўнай атмасферы.
Ірына БУШМАНАВА.
К списку записей раздела
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.