Прыбіраюць снег
17.12.2018
Сапраўднае зімовае надвор’е прагназуюць на гэты тыдзень сіноптыкі – з завірухай і марозам. За ноч і ранак панядзелка ў Слуцку прыбавіла снегу.
Як расказаў намеснік начальніка вытворчасці па добраўпарадкаванню Слуцкай жыллёва-камунальнай гаспадаркі Віктар Валянцінавіч Бандарэвіч, на ўборцы снегу ў горадзе задзейнічана 17 адзінак снегаўборачнай тэхнікі, у тым ліку чатыры МАЗы, два ЗІЛы, трактары з адваламі і шчоткамі, грэйдзер, пагрузчыкі “Амкадор”, тры пескараскідвальнікі. Уборкай снегу ў месцах агульнага карыстання займаюцца работнікі вытворчасці па добраўпарадкаванню ЖКГ, на уборцы дваровых тэрыторый, жылых мікрараёнаў горада заняты тэхніка, дворнікі ЖЭУ. Як адзначыў Віктар Валянцінавіч, уборка вуліц і тэрыторый у Слуцку праводзіцца своечасова. У выпадку моцных снегападаў у выпадку неабходнасці камунальшчыкі будуць працаваць ў кругласутачным рэжыме.
К списку записей раздела