Праект «Слуцкага краю» «Мы памятаем!»
09.04.2019
Пра сваю цёцю нам расказала случчанка Таццяна Іосіфаўна Савеня, а ёй – яе матуля, аднавяскоўцы. Гэта адзіны фотаздымак, які застаўся ў сям’і. Таццяна Іосіфаўна расказвала, што некалі ён вісеў на стэндзе «Яны змагаліся за Радзіму» ў школе.
Падчас вайны загінуў дзядуля Таццяны Іосіфаўны, бацька Марыі, Мікалай Пятровіч Бурак. Ён адзначаны ордэнам Айчыннай вайны другой ступені, пахаваны ва Усходняй Прусіі. Другі дзядуля Антон Іосіфавіч Шкурскі і яго сын таксама ваявалі з нямецка-фашысцкімі захопнікамі.
* * *
Вялікая Айчынная вайна закранула кожную беларускую сям’ю. Імёны нашых землякоў, якія доблесна змагаліся з ворагам, перадаюць з пакалення ў пакаленне іх родныя і блізкія, аб іх подзвігу гавораць на ўроках гісторыі.
Напярэдадні 75-й гадавіны вызвалення Беларусі ад нямецка-фашысцкіх захопнікаў рэдакцыя газеты «Слуцкі край» распачынае патрыятычны праект «Мы памятаем!». Запрашаем да ўдзелу ўсіх случчан. Дасылайце або прыносьце ў рэдакцыю фотаздымкі вашых родных, сваякоў, якія ваявалі ў гады Вялікай Айчыннай вайны, з кароткай біяграфічнай даведкай пра іх.
Мы будзем друкаваць фотаздымкі на старонках газеты. Ушануем разам памяць пра нашых герояў!
К списку записей раздела
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.