Механізатар Барыс Валер’евіч Афанасьеў.

– Тэхніка – не тое, што раней.  У кабіне трактара ёсць камп’ютар, які адразу паказвае, калі штосьці не так з агрэгатам і трэба выправіць. Разумная тэхніка! – гаворыць Барыс Валер’евіч. – Сеем ячмень. Хутка падыдзе час і да цукровых буракоў, кукурузы. Зямля-карміцелька наша любіць добрых гаспадароў. Пра гэта трэба памятаць.

Па стане на 14 красавіка ў сельгасарганізацыі засеялі 75% плошчаў, адведзеных пад яравыя збожжавыя і зернебабовыя культуры.

На наступным тыдні плануюць прыступіць да сяўбы цукровых буракоў і кукурузы. Чакаецца, што яравыя культуры ў сельгасарганізацыі зоймуць прыкладна 35% у агульным севазвароце. Прыярытэт, канечне, азімым, якія даюць больш высокія ўраджаі.

– Як і раней, будзем вырошчваць элітныя сарты збожжавых культур, у першую чаргу азімых, якія карыстаюцца найбольшым попытам, а таксама яравых ячменю і аўса. Тым больш, што ёсць рэгіёны, дзе азімыя перазімавалі горш і трэба перасяваць, – заўважае галоўны аграном Віктар Казіміравіч. – Штогод набываем у беларускіх насенняводчых інстытутах збожжавыя культуры другога года размнажэння, 1,5 – 2 тоны насення, для развядзення і далейшага продажу. Так, у гэтым годзе рэалізавалі больш за 260 тон насення ячменю і 120 тон аўса. Купляюць у нас элітнае насенне сельгасарганізацыі з розных рэгіёнаў рэспублікі, у тым ліку і фермерскія.  Рэалізацыя яго дае добры прыбытак. Працуем над размнажэннем у тым ліку і элітных гатункаў піваварнага ячменю.