Вучань СШ №11 Цімафей Стамброўскі – пераможца рэспубліканскага конкурсу маладзёжных інавацыйных праектаў
06.12.2018
Фінал конкурсу прайшоў 30 лістапада. Больш за 120 заявак падалі ўдзельнікі рэспубліканскага конкурсу маладзёжных ініцыятыў. Конкурсныя праекты ацэньваліся экспертнай групай у складзе спецыялістаў Міністэрства адукацыі, МТС, beCloud, БДЭУ і сацыяльнага фонду «Добра». Па выніках папярэдняга адбору 30 праектаў прайшлі ў паўфінал, а на фінальны этап журы пакінула 13 праектаў.
«Мабільны дадатак RiBFoP», распрацаваны Цімафеем Стамброўскім пад кіраўніцтвам настаўніка фізікі Дзмітрыя Валер'евіча Чарнова, наглядна, проста тлумачыць з дапамогай робата навучэнцам 7 і 9 класаў фізічныя з'явы і нават арганізоўвае лабараторныя эксперыменты.
Цімафей Стамброўскі стаў абсалютным пераможцам рэспубліканскага конкурсу і шчаслівым уладальнікам галоўнага прыза – ноўтбука ад ДІАЦ Міністэрства адукацыі. Напэўна, юнак прытрымліваецца дэвізу сваёй роднай школы №11 – «Ад задумкі – да выніку!»
Падрыхтавала Ірына ВЕЧАР.
К списку записей раздела
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.