«Аграсэрвіс» на ўздыме

25 ліпеня на стадыёне каледжа перапрацоўчай прамысловасці прайшоў матч апошняга, 13-га, тура першага круга першынства Мінскай вобласці па футболу ў першай лізе паміж ФК «Аграсэрвіс» і ФК «Аўтамабіліст» (Уздзенскі раён). Случчане лідзіравалі з першай і да апошняй хвіліны. Першы тайм скончыўся з лікам 3:1 на карысць гаспадароў, выніковы лік сустрэчы – 4:2. Першую гульню другога круга «Аграсэрвіс» зноў згуляе дома з ФК «Любань». Матч 14-га тура адбудзецца 31 ліпеня, пачатак – у 16.00.

«Каласок»

3 – 6 жніўня 2010 года ў Слуцку пройдуць занальныя спаборніцтвы па футболу спартакіяды «Каласок» для дзяцей і юнакоў аграгарадкоў, сельскіх населеных пунктаў. 3 – 4 жніўня матчы пройдуць паміж юнакамі 1996 –1998 гадоў нараджэння, 5 – 6 жніўня – 1994 – 1995 гадоў нараджэння. У спаборніцтвах прымуць удзел юныя футбалісты са Слуцкага, Нясвіжскага, Капыльскага, Любанскага і Дзяржынскага раёнаў.

Ветэраны – у фінале

Каманда ветэранаў Слуцкага раёна выйшла ў фінал Кубка Мінскай вобласці па футболу сярод ветэранаў. У 1/4 фінала случчане выйгралі ў каманды Салігорскага раёна «Шахцёр», у паўфінале – у каманды Стаўбцоўскага раёна. 31 ліпеня ў Барысаве на стадыёне «БАТЭ» пройдзе матч з прадстаўнікамі Барысаўскага раёна.

2 000 рублёў

Пачынаючы з першага матчу другога круга чэмпіянату Рэспублікі Беларусь па футболу ў другой лізе білет на «хатнія» матчы футбольнай каманды «Слуцкцукар» будзе каштаваць 2 000 беларускіх рублёў. Раней случчане за білет на матч любімай каманды плацілі 1 500 рублёў.