Обратная связь
Карта сайта
О проекте
Проекты
Официально
Перечни очередности выполнения работ КУП «Слуцкое ЖКХ»
Радио
“Весткi Случчыны”
Информационные ресурсы
Общество
Вяселле па народных традыцыях прайшло ў Слуцкім гарадскім цэнтры традыцыйнай культуры
13.07.2017
У Слуцкім гарадскім цэнтры традыцыйнай культуры адраджаюць традыцыі нашых продкаў, далучаюць людзей да культурнай спадчыны. На мінулым тыдні ў этнаграфічнай студыі ўстановы «Беларуская хатка»  ладзілі вяселле, якое сапраўды запомніцца маладажонам Алене і Уладзіславу Ярота на ўсё жыццё.

 

Малады – у вышыванцы, маладая – у льняной сукенцы, замест вэлюму – прыгожы вяночак з палявых кветак. Па традыцыі маладажонаў віталі хлебам – сімвалам дабрабыту і заможнасці. Маладыя яму павінны пакланіцца і пацалаваць. Дарэчы, з’есці яго трэба ўжо пасля вяселля ў першы тыдзень сумеснага жыцця, але толькі мужу і жонцы, частаваць гасцей нельга.

Уладзіслаў перанёс Алену праз парог, накрыты ручніком, пад якім ляжаў замок – сімвал цэласнасці і непарушальнасці. І захоўваецца замок у бацькоў мужа, а ключы – у бацькоў жонкі. Зусім неабавязкова чапляць яго на мосце, як робіць сучасная моладзь. Вясельны замок зачыняюць у час вяселля, а адкрываюць яго, калі ўзнікаюць праблемы ў сям’і, напярэдадні адказных спраў, калі нараджаецца дзіця, у некаторых іншых выпадках.

Маладыя памылі рукі ў адной конаўцы і выцерлі іх адным ручніком. А каб далейшае жыццё было заможным, нявеста знайшла ў вадзе манету і паклала яе ў правы чаравік жаніху. Потым Алену на «пасад садзілі», а ўжо разам з Уладзіславам яны ўпрыгожвалі сімвалічнае дрэва яркімі стужкамі, цукеркамі, каб добрым было сумеснае жыццё. Маладыя добра справіліся і з гаспадарчымі справамі: гузік прышылі, касу набілі, мукі ў жорнах намалолі.

Гучалі вясёлыя народныя песні, і спявалі іх не толькі супрацоўнікі цэнтра традыцыйнай культуры, але і маладыя,  іх госці, яшчэ  і падыспань з вальсам станцавалі.

Перш чым за стол сесці, трэба маладых звесці – казалі раней на вяселлях. Вось і Алене з Уладзіславам звязалі рукі чырвонай стужкай, каб ішлі яны разам па жыцці.  Маладажонам падарылі ляльку-абярэг «Неразлучнікі», якая сімвалізуе моцны сямейны саюз і аберагае сумеснае жыццё. А яшчэ – незабыўныя ўражанні. Весела, захапляльна, цікава...

– Беларускае вяселле вызначаецца цікавымі абрадамі і звычаямі, паэтычным хараством песень. Продкі скрупулёзна падыходзілі да святкавання вяселля, бо ад гэтага залежала далейшае жыццё маладых, – адзначыла дырэктар Слуцкага гарадскога цэнтра традыцыйнай культуры Зінаіда Міхайлаўна Губановіч. – Калектыў установы працягвае знаёміць случчан  з традыцыямі беларусаў, у хуткім часе  мы правядзём іншыя святы і абрады нашых продкаў.

Ірына КАВАЛЕНКА.

Добавить комментарий:
Автор*
E-mail*
Введите цифры*
Обновить рисунок
Комментарий*
Поля отмеченные * обязательны для заполнения
Всего 0 комментария:
Новости 
20.09.2017
20.09.2017
19.09.2017
19.09.2017
19.09.2017
Архив
Пн Вт Ср Чт Пт Сб Вс
© Слуцкий край, 2009
Разработка и поддержка сайта БЕЛТА