У раённай бібліятэцы адкрылі выставу работ дэкаратыўна-прыкладной творчасці Слуцкага цэнтра традыцыйнай культуры «Рамёствы – повязь часоў»
24.01.2020
На выставе прадстаўлены разнастайныя творы: вырабы з лазы, маляванкі, вышыванкі, вырабы ткацтва, лялькі, габелены і іншае. Прыгожыя, цудоўныя творы!
Як адзначылі дырэктар Слуцкай раённай цэнтральнай бібліятэкі Людміла Гурыновіч, дырэктар Слуцкага цэнтра традыцыйнай культуры Зінаіда Губановіч, гэты сумесны праект ажыццяўляецца для лепшага азнаямлення случчан з народнымі рамёствамі, культурай продкаў, далучэння да культурнай гістарычнай спадчыны. Адкрыццё выставы было аздоблена прыгожай музыкай цымбалістаў і вершамі члена Саюза пісьменнікаў Беларусі Ганны Міклашэвіч у выкананні аўтара. Работнікі цэнтра правялі для наведвальнікаў выставы майстар-класы па некаторых відах дэкаратыўна-прыкладной творчасці.
Дырэктар Слуцкай раённай цэнтральнай бібліятэкі Людміла Гурыновіч
Дырэктар Слуцкага цэнтра традыцыйнай культуры Зінаіда Губановіч
Член Саюза пісьменнікаў Беларусі Ганна Міклашэвіч
К списку записей раздела